JÈKHTO SÈSIA (angl-o mesmèri)

K-o 9 ½ a.m.: i rromani grùpa andar-i Pùla gilabel:

hìmna e Kroaciaqi: "Lijepa naša domovino"

hìmna rromani: "Gelem gelem"

Pal-odova, o Dragan JEVREMOVIĆ, prezidènto e Maśkarthemutne Rromane Parlamentosqo, putrel o Kongrèso thaj pala lesθe o Raj Milan BANDIĆ, śerutno e forosqo and-o Zagreb, kerel e manuśenqe o miśtavilen

I Esma REŵEPOVA, thagarni e rromane gilǎqi, kerel vi voj baxtalinǎ e Kongresosqe.

O Andrzej MIRGA, kontaktosqo viram and-i OSCE (Varśàva) si akhardo te del dùma. Phenel so si but butǐ angla amenθe, but projèktǎ. "Kerdǎm jekh statùto pal-o Action Plan" sar te rozphandas rromane problèmi. But retòtika kerdǒl, na ćaći butǐ aj naj love vaś-i retòrika. Akana vaàzdel pes nevo faśìsmo, sar and-i Avstria. Śaj keras palem mitìngo te das dùma. O IRU naśti aćhol sar si, te keren les buter modèrno, musaj te oven terne manuśa, zoraleder. Si o laćho momènto kaj te keras tikni revolùcia.

O Neždet MUSTAFA phenel so si les bari loś te anela nd-o Kongrèso dragostipe katar-o ERTF. O IRU si les bari zor, aj kamlǒl pes lesqe zoralo prezidium, kaj te realisarel pesqi vìzia.

Drabardǒl o dragostipe so bićhaldǎs, and-o anav e Franciaqe prezidenciaqo e Evropaqoro, o dr Bernard KOUCHNER – lesqo lil andǎs sas andar-e Francaqi ambasàda and-o Zagreb o sekretàro e ambasadaqo, o raj o Martial ADAM (o tèksto si and-i anèksa akale raportesqi).

I Milena KLAJNER phenel e manuśenqe "miśto avilen" and-o anav e Birosqo vaś-e etnikane minoritète; naisarel e Kasum Canas aj phenel so si te den vast e Kongresosqe.

O prezidènto e IRU/sqo, o Stanisław STANKIEWICZ, phenel so maj baro emotìvo kana kerdǒl improvizàcia, sar and-o tabòro. Naisarel e Kroaciaqo Raipen thaj dej jekh pursak e Veli Huseinesqe aj aver e Kasum Canasqe.

O Jovan DAMJANOVIĆ uśarel e Ivones Sanader, phenel so i Kroàcia si terno a demokratikano them.

O prezidènto e IRU/sqo, o Stanisław STANKIEWICZ, lel palem i vòrba aj phenel so but palal liam i butǐ. Trin berś thaj jekh paś sas o IRU bi lovenqo. Lias o śird katar-o zèro aj sar Ŵanel pes: naj love, naj patǐv... Kerdǎm but lobby kaj te vàzdas o IRU opre. Kerdǎm registràcia e ofisosqi and-i Vièna thaj Moskvaqe Rroma dine 1000 dolàrǎ. O lovitro, o Novica MITIĆ, but enèrgia dias avri aj vi o Dragan JEVREMOVIĆ pokindǎs but pesqe pasokǎθar. Kerdǎs and-i Vièna butǐ khetane e Orhaněça. Oxto ćhon o manuśa amare uŴarde i dokumentàcia katar-o Emil ŠČUKA, agore dias la. Kerdas o IRU 3 projèkti and-i Vièna te vàzden o IRU, khanćesqe. Pe bibaxt anda but institùcie, si anglipatǎpen so "and-o IRU si sa analfabètǎ" – sikavas lensqe so si xoxaipen, a but zorales patǎn manuśa, ja keren pen so patǎn so si lenqo interèso. So si maśkar gaŴenθe demokràcia, maśkar Rromenθe si o RROMANIPEN aj kana si tumen vi demokràcia vi rromaniopen so duj, baro barvalipen si tumen and-o vast. Amen si amen rromani kris, savi si la baro avtoritèto.

Jekh vasno momènto sas kana kerdilǎs o ERTF: but manuśa e IRUsθär line pozìcie opre and-o ERTF.

Kana sas e Sloveniaqi prezidència e Evropaqi, kidisàjlǎm and-i Murska Sobota aj sas amen laćho kontàkto e Sloveniaqe raimaça. Phendǎm and-o beśipen so si dosta i purani gaŴikani politika, nakhas k-i rromani.

Angla jekh ćhon sas o Summit and-i Bruksèla, so sas vi jov jekh baro momènto, kana sàmas ame o Rroma pinŴarde sar avera manuśa.

3anen so si bare problèmi and-i Itàlia. Kerdǎm amen replìka: o Santino organisardǎs demonstràcie aj vi kulturàlo manifestàcie, aj plus ekrdǎn and-i Vièna demonstràcia. Pe javer rig, vi o Ramirez Heredia kerdǎs demonstràcia and-i Espània.

Palem isi blokàda: phares si te phiras angil aj musaj te das zor e ternenqe, jone si amare luludǎ.

Projèkto si amen te vàzdas edukàcia dural, kaj te pinŴardǒl maj buxles i kultùra rromani aj vi amari ćhib, so si bàza and-amari nàcia bi teritoriaqo: dav jekh apèlo, jekh akharipen kaj te keras skòla bi barrangenqo !

Na kamas papierològia, śukaripen p-o lil, na !

Musaj sa konkrèto te vàzdas, na sadaj i kultùra, musaj vi o biznèso te vàzdas: vasni tèma si te keras konferència, kaj te ovel korzyść (hàsna) e Rromenqe. Amen musaj te Ŵanas sar te tràdas amaro drom pe gaŴìtko phuv…

O Dragan JEVREMOVIĆ naisarel savorren ka avile pe penqe love, andar-i Slovàkia, Frànca, Itàlia, Skòpja, Bulgària, Slovènia aj but thema.

Vov mangel te phenel savorrenqe so patǐvaça kerdas butǐ: "Te ćordem, phenel, ćordem katar murri rromni, katar murre ćhave pal-o IRU". Vi avera Rroma aźutisarde le aj naj les gasave śukar vòrbe kaj te palikerel e Novicas MITIĆ. Ni Ŵanel sas anglal sode sas te pokinel pal akaja butǐ, aj kana aba sas andre, nas sar te iklǒl. Si manuśa so dine love: i Rùsia dias 1.000 Evro, o kabinèto Vienaθe 1.850, o Beograd dias 2.100, aj love kamlǒn pen vaś-o funkcionisanje. Niekh manuś, niekh organizàcia na pokindas pesqe berśesqe love, kaj te arakhas love? Si te ovel o angluno pućhipen, so te pućhas e kandidatonθar: kaj si les godǐ te arakhel love?

O Günler ABDULA phendas so sas but problème e komunikaciaça and-o IRU. O gaŴe keren amen ćora, dile, amatèrǎ. O kabinèto te ovel i phurt maśkar-e Rromenqi vìzia pe jekh rig aj i realizàcia pe aver rig.

I Esma RE3EPOVA phendǎs so śtar var kerdǎs koncèrto and-i Kosòva vaś-o Rroma,s ave si naśarde pire kheresθar. Del oficial i propozìcia te ovel i domiciliàcia aj o ofìso e IRU/qo laθe and-i Skòpja, bi lovenqo.

O Florian CIOABĂ mothovel pesqi xoli, so kamle and-o Strasburg te tiknǒl o IRU kaj te vàzdel pes o ERTF. Naj patǐv, si manipulàcia, bari laŴ so kerde le gaŴe nesave bikinde Rromençar palal. O ERTF ći dikhel e Rromenqe problème, ći liparel i bari diskriminàcia so si and-e Rumùnia, aj gasavi diskriminàcia isi. Ćaćimasθe, o Sarkozy, so akana si p-o śero la Evropaqo, andas and-o Sibiu i vòrba la Francaqe Rromenqi aj dias aźutimos baro le Rromenqe, te na oven irime palpale and-i Rumùnia.

O Nedžo OSMANI, sar nast e Kongresosqo, lias i vòrba aj phendas so kamlǒl peste paruvdǒl i politik and-o IRU, te na aćhon phure p-o skamind 30 berś, sar and-o komunismo, "matòri" (prapeke phure) aj te na len o manuśa jekhes so astarel maćhen aj keren les prezidènto…

O Stanisław STANKIEWICZ del les godǐ te dikhel maj feder angla so del dùma, odoelsqe so naj sa i problèma ande berśa: te ovel sas sadaj/nùmaj jekh problèma kon si terno, kon si phuro, but sig śaj te laćhardǒl sas i situàcia, sadaj i problèma si maj xor aj maj komplèkso.

O Guralia MEJDANI phenel so and-i Albània sa o Rroma si kidime sar jekh manuś aj sa khetane maren pen e rromane butěnqe vaś-i skòla, vaś-i butǐ, vaś-o khera. Mangel te kidinǒn o Rroma and-o Kongrèso, sar keren Albaniaqe Rroma khere.

Jekh manuś andar-i India phenel e Rromenqe te parvaren pire ćhaven e rromane kulturaça. I India musaj te pinŴarel tumen sar jekh minoritèta. Mangel e Rromenθar te dikǎren Ŵivdi piri kultùra. I Evbròpa, phenel, na pinŴarel vortimaça tumari kultùra.

O Kujtim PAĆAKU phenel so Ŵi akana naśti vàzden pen but rromane mahàle (rromane pera), kaj o NATO peravdas bòmbe. Angl-o maripen, sas 28 Rroma so sas len diplòma katar-i universitèta aj akala 10 berś niekh na xuterdǎs nisavi universitetaqi diplòma.

I Luminiţa CIOABĂ phenel so ćaćimasθe but pharo si o tràjo, nùmaj le manuśa te na meken o marimos vaś-o laćhimos, aj nivar te na bistren so le Rrom si zorale, ke si von le ćhave le Devlesqe.

O Viktor FAMULSON, phureder and-o Prezidium, phendas so sikavdas jekh kasèta katar-i Kosòva k-o Kofi Anan, so kerdine amenqe o NATO, kòkala and-o pràxo, aj prinŴarde le bare raja so si amen ćaćimos. But bangimos sas kerdino le Rromenqe vi pal-o Samudaripen (nazistenθar genocìdo mamuj le Rrom): ćhudine amen avri aj le Źidovura kerde so kamle. "Kaj te amboldas amare jakha, phenel, si bangimos, dikhen Rrom!len and-i Itàlia: o Berlusconi, so si maj baro mafiòzo, kerdilǎs dùjto Hitlèri. Musaj te kidas amen khetane, phralikanes, te na lośan le raja pe amare zeja, te na keren amen zvěrura (Ŵivutre)".

DÙJTO SÈSIA (pal-o mesmèri)

O Prezidènto le IRU/qo kerel kontròla p-i lìsta e bare alosarnenqi. Si BIŚ EFTA thema.

O Kongrèso si te alosarel i procedùra e votenqi: garadune lilençar ja vazdime vasteça?

O Rroma kamen vazdime vasteça: 12 thema aj garadune: 7 thema (8 naj len opìnia).

I Florìna ZOLTAN del o 3 lilorra sarkole themesqe mujalesqe.

Kerdǒl vi i elektoràlo komìsia:

akceptàcia

o Drevo 100%

i Roksàna 100%

o Danièlas 100%

Propozìcie PREZIDENTOSQE:

Stanisław STANKIEWICZ Nicolae GHEORGHE

Zoran DIMOV Kujtim PAĆAKU

Esma RE3EPOVA Günler ABDULA

Orhan GALUS Santino SPINELLI

Veli HUSEIN

Lenθar sadaj TRIN śaj te oven kandidàtǎ:

Stanisław STANKIEWICZ

Zoran DIMOV

Orhan GALUS

Deklaràcie:

O Stanisław STANKIEWICZ kamel te del dùma sadaj JEKH minùta, aj pesqire duja javira de le javirenqe. Te Ŵanel o Rroma so si jov anda bare organizàcie, śeral o ERTF sar vice-prezidènto thaj o Polish Rromani Council. Sas jov nominàcia katar-e Polskaqo premièro aj si vi and-i komìsia Auschwitz-Birkenau. Lesqiri śerutni idèa si te ovel but seriòzo butǐ, te na soven o manuśa.

O Zoran DIMOV kamel te vàzdel jekh Rromani information Media Center. Na kamel te ovel o Stahiro, na kamel e IRU/qi sistèma, kaj o manuśa keren delibèro avri aj andre k-i plenària si sàmo montirimo. Dikhel so anda 22 berś and-o IRU k-o Stahiro nas rezultàto a ov kerdas laćhi butǐ and-i Makedònia.

O Orhan GALUS mothovel pesqi biogràfia. Kamel te ovel o IRU maj nevikano, te ovel and-o sundal jekh ćaćikano politikano partnèro aj te paruvel pesqe metòde katar-o materismo anda jekh zorali butǐ prefesionàlo. Musaj te labǎras maj maksimum sa o maj neve texnològie, maj anglal e komunikaciaqe.

Kerdǒl alosaripen:

KARING MAMUJ NEUTRO

Stanisław STANKIEWICZ 23 0 4

ALOSARDO

O nevo prezidènto, o Stanisław STANKIEWICZ, phenel e Rromenqe te na xolanǒn pe lesθe, ke naj but lośalo, odolesqe so Ŵanel so pesqire eksperiencθar so si akana palem les phari butǐ. Akana kamel te nevǎrel i butǐ aj i sistèma laqiri. Naisarel sa e Rromen aj apeluil te keren kritìka Ŵivdi, provokàcia, te sikaven emòcie, te na ovas ni pesismìsti ni idealìsti.

Propozìcie VICE-PREZIDENTONQE:

Maj anglal si pućhipen val aćhovas śtare vice-prezidentençar, val te ovel sadaj jekh. Savorre 27 thema kamen te aćhon śtar.

Propozuime si:

Nadia DEMETER Peter GRIGORIČENKO

Florian CIOABĂ Kujtim PAĆAKU

Zoran DIMOV Viktor FAMULSON

Santino SPINELLI Dragoljub ACKOVIĆ

Normunds RUDEVIČS Kasum CANA

Saša MAŠIĆ Alain DAUMIER

Istref ABDURAHMANOVSKI Saša BARIEV

Günler ABDULA Ivan VESELY

Aćhon kandidàti:

KARING MAMUJ NEUTRO

Nadia DEMETER 21 4 2

Florian CIOABĂ 18 6 3

Zoran DIMOV 4 9 14

Santino SPINELLI 17 8 1

Normunds RUDEVIČS 12 3 12

Istref ABDURAH-
MANOVSKI 16 8 3

Viktor FAMULSON 18 5 4

Kasum CANA 13 3 11

Ivan VESELY 12 4 11

Aćhon vice-prezidènti:

Nadia DEMETER Florian CIOABĂ

Santino SPINELLI Viktor FAMULSON

Propozìcie LOVITRESQE:

KARING MAMUJ NEUTRO

Novica MITIĆ 26 0 1

Propozìcie GENERALONE SEKRETAROSQE:

KARING MAMUJ NEUTRO

Bajram HALITI 22 0 5

O kongrèso mangel katar-o Nicolae GHOERGHE te ovel "special adviser"

VAŚ-O PARLAMÈNTO

O Dragan JEVREMOVIĆ maj anglal lel i vòrba te phenel bare źalaça so naisarel sa e manuśen so alosarde les sar prezidènto e Maśkarthemutne Rromane Parlamentosqo. Pe nibaxt naśti lel nevo mandàto. "Kerdem i butǐ so sas kerimasqe, phendǎs, sar tumen dinen man zor. Nimaj lav pra manθe nevi obavèza, na anda so sènas bilaćhe manqe, nùma anda murre privàto problème. Liem mirri decìzia and-o miśtimos mirre ćhavenqo aj vi tumaro".

O Prezidènto Stanisław STANKIEWICZ phenel lesqe te aćhol maśkar amenθe, sar phral amaro so del amen godǐ, and-o nevo prezidium aj anda but avera. "O Dragan, phenel, so sas barvalo Rrom, kerdǎs pes ćorro, kaj dinǎs sa pesqo barvalipen pal-o Rroma thaj o IRU. Bute Ŵenen dias zor anda but phare situàcie, si but misala aj mangav te liparav sadaj jekh: o bùso medikàlo so tradias and-o gava kaj naj medicìna, aj but javira".

Propozìcie PARLAMENTOSQE PREZIDENTOSQE:

KARING MAMUJ NEUTRO

Jovan DAMJANOVIĆ 15 8 4

Günler ABDULA 18 5 4

ALOSARDO: Günler ABDULA

Propozìcie PARLAMENTOSQE VICE-PREZIDENTONQE:

KARING MAMUJ NEUTRO

Jovan DAMJANOVIĆ 19 4 4

Dragoljub ACKOVIĆ 16 3 8

Veliu HUSEIN 13 1 14

Mihai ILARI 8 0 19

AGORUTNO VAKǍRIPEN E NEVE PREZIDENTOSQO

O nevo prezidènto, o Stanisław STANKIEWICZ, palem alosardo, phenel so o Kongrèso naj o agor, si sadaj jekh preludium. Kon Ŵanel savi phari situàcia śaj te arakhas angla amenθe p-o drom? Naj i lùmia (o sundal) laćhi sar kamas amen te dikhas la. Univar, kamas ćaće ileça te keras laćhipen thaj:

- śaj na mukhel i situàcia

- śaj naj amen zor

- śaj amen kamipen ja jekhipen maśkar amenθe.

I dar bari avel katar-o bipinŴaripen. Kana daras, o gaŴe na pinŴaren amen thaj astaren fòbia. Odolesθar and-o IRU, i prioritèta si te ovel edukàcia, kaj te siklǒn o ćhave and-i sistèma e globalizaciaqiri.

Maj anglal musaj te maras amen te na oven diskriminuime aj bićhalde specialone skolenθe.

Del propozìcia te vàzdel pes jekh "grùpa krìzno" kaj te kerel advokatùra, monitorìngo, te ovel la mandàto te lel pes e maśkarnençar (mediators).

Sosqe na reaguinen kana mudardǒn o manuśa? Sa si rando śukar aj o Rrom naj les śànca te ovel akaja thami kerdini lesqe.

E butǎqi metòda: sarkon 6 masek/ćhon, kamav te bićhalen tumaro plàno k-o Bajràmo. Te oven aktìvo vi pe lobenθe, vi bi lovenqo. Te keren intelektuàlo prèsia pe institùcie abnda sarkon them.

Anda sarkon jekh them te ovel filiàlo aj te phenel pes "Member of the IRU/somdasno e MRrU/qo"

Kana keren aktivitèta, te phenen "tel-o patronàto e IRU/qo". P-o terèno te keren maj butǐ: o manuś so garavel pes e tiknenθar a del dùma sadaj e barençar naj baro; patǎl so si baro a jov si tikno. O ćaćo baro manuś si odova so dikhel e tikne kirǎ p-e phuv.

Te Ŵanas so si limitirime o vaxt/ciro, na amari godǐ ja amaro kamipen te keras śukaripen.

Palem jekhvar palikerel e Rromen so alosarde les aj phenel: "Me sòmas normàlo ćhavo tabòrno. Nivar nas te patǎl miro pàpu so jekh dives śaj ovav prezidènto…".

Medo Gurbetov

ANÈKSA

Lil bićhaldo e Francaqe avrutne aj evroputne butěnqe ministrosθar,

e Dr Bernard KOUCHNEResθar,

e Eftatone Sa-Lumiaqe Rromane Kongresosqe (Zagreb, 24 Oktòbra 2008).

Si man patǐv aj dràgo patǐv te bićhalav Tumenqe akava lil te mothovav o amalipen e Francaqo k-o 7-to Kongrèso tumaro.

Akana sar buxlili i Evroputni Ùnia and-e berśa 2004-2007, i pozìcia e Rromenqi kerdilǎs jekh centràlo pućhipen sa e Evropaqe manuśenqe. Odolesqθar o rromano khetanipen and-i Evròpa si kerdo manuśenθar save si themutne amare themenqe thaj si len hakaja aj dotǎ sar sarkon aver evroputno themutno.

And-o Summit k-i Bruksèla 16-to Septèmbra, manglǒm te nakhavav nesave neve idèe: śaj pinŴardǒl Ŵikobor o gaŴe e Evropaqe si len patǐv karing amare khetane xaćarimàta (dignitèta, bidiskriminàcia, tolerància, patǐv, solidaritèta, politikani participàcia…) kana las angl-i jakh o ćhand sar on dikhen e Rromen.

Avrial katar-i Evròpa, o rromano pućhipen, sar si tretuime amenθe, si jekh tèsto pala sar śaj te patǎn o manuśa and-o ćaćipen e Evropaqo p-i tèma e Manuśikane Hakajenqi aj e Minoritetenqe Hakajenqi. But zorales śundǒl tumaro krlo and-o Zagreb akate, paś-e Evroputne Uniaqi grànica, anda jekh them so si kandidàto te avela nd-i Ùnia, sar vi nad-o aver thema kaj Ŵiven but Rroma: ratǒrigutno Balkàno, a vi Moldòva, Ukraìna aj Tùrkia. Musaj amen and-i Evroputni Ùnia te sikavas so o ahora so vàzdas avrial amare granicenθar si dine patǐv maj anglal amenθe aj Ŵiven anda amare thema sar jekh modèlo averenqe.

Pala kadala vòrbe, aćhola o pućhipen e evroputne akciaqo. And-i Bruksèla, thovdǒm i emfàza pe avera tème, save manqe dikhǒn but zorale: śaj te liparas o instrumèntǎ so si aba kerdine vaś-e Rromenqi inklùzia, sar sas avridine and-o Źulaj 2008-to, laćhe pràktike so si kerdine and-e verver thema.

Vasno si te zurǎras i àkcia thaj i koordinàcia maśkar-o thema e Evropaqe thaj te nakhaven and-i implementàcia (realizàcia) e ververe politikenqi (vaś-i edukàcia, butǐrodipen, sastipen, kheripen, infrastruktùre, maripen mamuj o ćorrorripen…).

Sarkon them si te realisarel pesqi dotǐ (pesqi obavèza) anda pesqe kompetèncie vaś-i integràcia, o sastipen aj o publìko sarbaripen. Lipardǒm so o pućhipen e Rromenqe integraciaqoro and-o evroputno dostipen naj sadaj (nùmaj) e Evroputne Uniaqi butǐ, maj anglal si i butǐ e themenqi aj e lokalone khetanimatenqi, save si maj paśe e Rromenθe.

Patǎv so o Summit pal-o Rroma thaj lesqi agorutni deklaràcia si but vasne kontribùcie, sar si vi o Deśiberś e Rromenqe Inkluziaqo, savo de katar-o berś 2005 kìdel anda jekh khetani butǐ raimàta, maśkar-raipnikane organizàcie thaj naraipnikane organizàcie kaj te khanćisaras i diskriminàcia pal-o rat thaj te keras maj feder i situàcia e rromane khetanimatenqi.

Akava so phendǒm, te ovel amenqe inspiràcia, te kidinǒn amare ile, ogǎ aj godǎ anda jekh khetani angaźàcia, aj maj anglal te anen zoralo rezultàto.

Pe bibaxt, vàŴe aćhilo but butǐ kerimasqe angla amenθe. Astardǎm zorales and-o vast amare partnerěnçar aj si te tràdas maj dur sa e padmaděnçar, save i Frànca kerel anda pesqi prezidència e Evropaqi.

Te lingren amen khetane aj cèra a cèra kaj te halǒvel sa i Evròpa i ròla e Rromenqi kaj te den pen zor sar amare theam aj vi i Evroputni Ùnia vaś-o Rroma and-o anav e solidaritetaqo aj e Manuśikane Hakajenqo.

Sar amal, sar phral, mangav Tumenqe sovorrenqe but baxtagor anda tumare butǎ, aj vi but loś so palem maladǒn tumen jekh avreça.

dr Bernard KOUCHNER

Minìstro vaś-e avrutne aj evroputne butǎ

Paris – Frànca

VII-to Lumaqo/Sundalesqo Kongrèso e IRU-sqo

23-25 Oktòbra 2008 – ZAGREB

23-to Okt.: si o dives e kontaktonqo and-e Kroaciaqo Raipen

Maladǒn e Rroma bare rajençar and-o Ministerium vaś-i butǐ (ulica Vukovar 78)

K-o 9. javinaθe, gelo e IRUsqo Prezidènto, o Stanisław Stankiewicz p-e vizìta k-o prezidènto e Kroaciaqo, o raj Stjepan Mesić.

K-o 10. organisàjli jekh medienqi konferènca (e źurnalistenqe) and-o Hotèli p-e ulica Remetička

K-o 12. jekh delegàcia e IRUsqi Ŵal vizitaqe k-o Parlamènto e Kroaciaqo, odothe kaj si vi o Nazif Memedi

K-o 3 p.m. śirdias i registràcia e IRUsqe mujalenqi thaj vi e nastenqi

Katar-o 6 ½ Ŵi k-o 7 ½ p.m.: o Santino Spinelli thaj o Robert de Caro, andar-i Itàlia, keren prezentàcia lilenqi thaj CD-enqi

K-o 8 p.m. i oktèta andar-i Kosòva "Mystic Ilo" del koncèrta

24-to Okt: PUTARIPE E KONGRESOSQO

si o angluno dives e Kongresosqo, savo dikǎrdǒl and-o Ministerium vaś-i buti

Foto: Medo Gurbetov