Dromesqo Somno Informacija

IRU-Parlamentosqo Kidimos an-e

Muraszombát (Slovénia) 22-24 Feb. 2008

PARAŚTUJ:

Kidinǒn e Rroma andar-e verver Thema, thaj be śen an-e tikne grùpe kaj te dikhlǎren e situàcia thaj so si nevo anda jekh kavresqo Them (workshops).

JÈKHTO DĚS:

Pala jekh minuta patǐv e Janez Drnovśekesqe so akeso mulo sas, lias e vòrba o Raj Stanisław Stankiewicz, prezidènto e IRU/qo, aj putarda o beśipen e Parlamentosqo. Lośaça phendas savorrenqe miśto avilen, aj maj but e bare Rajenqe e Ministrosqe pal-e edukàcia aj o spòrto e Rajesqe Milan Zver thaj e Direktoresqe Stane Baluh andar-e minoritetenqi ofìsa. Mothovda so si amen jekh but pozitìvo opìnia pal-e Slovènia, savi si„putarde-godǎqo Them savo hakǎrel e rromani problematika, sar dikhlam amen aba pèrsi kana kidisàjlo athe o prezidium e IRU/qo thaj vi avrethe kaj maladilam lençar, tov an-e Bruksèla, tov an-o Strasbùrgo. Odolesqe, phenda, si but vasno te phandlǒvas e Sloveniaqe demokraciaça, savi si akana k-o ćekat e Evropaqo Ŵi k-o avindo milaj. ŵanas so e Slovènia si te lingrel amaro krlo patǐvales Ŵi k-o maj upruno nivèli e Evropaqo thaj akava krlo avel kathar-o 36 Them-Somdasne and-o IRU. Na nùmaj o Rroma sar nàcia, a vi sa e Evròpa ròdel jekh nevi politìka thaj amen sam maśkar olenθe so zumaven te arakhen nevo drom”.

Pala lesθe vorbindas vi o Dragan Jevremović, prezidènto e IRU-Parlamentosqo, naisardas e duje bare Rajen thaj vi e manuśnǎ bi ćhaldi andar-e India, e Nidhi Trehan, savi avel and-o anav amare phralesqo e Riśisqo. Naisardas sa e mujalen, save pokinde penqo drom kaj te aven thaj e Jožekes sar laćho xulaj and-o Prekmurje. Xarnes mothovdas o historiàto e IRU/qo katar-o b. 1971 kana sas vazdime.

Sas dini akceptàcia pal-e progràma e sesiaqi thaj o manuśa votosarde pal-e Agènda. Si te ovel maśkar averenθe o pućhimos, kaj te dik ǎrdǒl o 7-to Kongrèso maśkar-o dizǎ/fòrurǎ kandidàte: India, Śvèdo, Kroàcia, Srbia ja aver.

Lias e vòrba o Raj Milan Zver, savo thovdas e emfàza p-o sigǎrimos e vremaqo akana an-e globalizàcia, texnika thaj sociàlo pućhimàta. Mamuj akava sigǎrimos e historiaqo, trobuj jekh maj zorali solidaritèta thaj maj ćaćutno barabarimos. But vasno si vi o ververimos an-e kultùra, savo si bari zor an-e Evròpa thaj katar-akava aspèkto, e Slovènia del prioritèta k-o rromano pućhimos.

O Raj Stane Baluh seravdas so si akana o berś e maśkarkulturalone dialogosqo thaj pakǎl so e situàcia an-e Slovènia śaj te ovel modèlo vi avere Themenqe.

O Jožek Horvat naisardas o raimos e Sloveniaqo vaś-o sponsorimos so dias amare konferenciaqe. Lipardas so an-o Them si 8 ja śaj 10.000 Rroma, thaj an-o Gorensko vi Sinte. Maj anglal sas phare trujalimàta trajosqe thaj an-e palutne berśa o raimos e Themesqo lias pe e rromane pućhimaça, dindor avri jekh speciàlo progràma kaj te vàzdel e Rromen, maj but an-o sastimos aj an-o butǎrimos. Phendas so e Rroma si „zaštitna skupina” (grùpa tel-o brakhimos) thaj e rromane organizàcie kidisàjle te keren jekh federàcia „Svez Romov”. E maj bari problèma si so but Rroma bi kheresqo si pal-e parcelizàcia thaj urbanizàcia e phuvěnqi kaj beśènas, napal si bare diferènce maśkar-e verver gava thaj fòrurǎ. Savorre khetane ròden o drom kaj te federaren e situàcia. P-o 30.03.2008 sas promulguime e thami pal-o„rromano khetanimos an-e Slovènia” kaj te len pen kòrkorre e Rroma pala penqe problème thaj e anglune eksperiènce si pozitìvo.

O Veli Huseini phendas so e Kroàcia si dosta maj angle averenθar. Ćaćimasθe si verver situàcie an-e verver gava aj regiòne.

Sas kerdini jekh Themutni progràma rromani kaj e maj vasne faktòri si uklućime, śeral e edukàcia, thaj dikhas laćhe rezultàte: si aba bas xurdelin ǎ. Miśto si so o Rrom o Mehmet Nazifi si mujalo na sadaj e Rromenqe, ma vaś 12 minoritète (Nemcura, Polàkura, Ŵuta thaj kola).

An-e Pùla kaj beśel, but miśtes si pinŴarde le Rroma katar-e kupatni. An-e Istria naj rromane mahàle, maj but Rroma si ulavde maśkar gaŴenθe. Si 6-to berś so kerel buti e xurdelin an-e Pùla.

O Koce Palison andar-o Śvèdo mothovdas so sas anda jekh Equal progràma thaj so an-o Śvèdo kerde 4 ambrèle-organizàcie save xuterde anda 3 berś 15 milòja kurùne maj but pal-o avrićhudimos, e Ŵuvlěnqe hakaja thaj e manuśikane hakaja. Miśto si so le Rroma sas pinŴarde an-e berśa 90 na sar sociàlo problèma, ma sar nacionàlo minoritèta. Kako si aźutimos kaj te dikǎras Ŵuvindi amari ćhib, kultùra, identitèta, ma butivar an-e maj demokratikane Thema, taslǒn amari ćhib, amari kultùra.

An-e Tùrkia, phendas o Özcan Purçu, si but Rroma thaj phare problème. Naj othe niekh rromani progràma, ni kamen te dikhen amen, love vaś-el rromane but ǎ nanaj, źutimos nanaj, madikh so si pal-amari godǐ 500.000 Rroma an-e Tùrkia. An-o Sulukule beśen 30.000 Rroma, avile gaŴe phangle lenqe khera, akana beśen avri. Śtar Rroma thabile Ŵivde an-e khera, mule. Mangas te keras konferència pala duj masek. Si te bićhalav Tumenqe lila, te dikhen e situàcia. But mangas tumenθar źutimos.

O Marcel Courthiade phendas so e rromani politika an-e Frànca śaj phenel pes avri anda trin vòrbe: konfùzia, hipokrìzia thaj paradòkso. Konfùzia odolesqe so le gaŴe bangǎren e Konstitùcia, phenen so ni pinŴarel minoritète so si jekh xoxamni interpretàcia thaj pretèksto kaj te na pinŴaren e Rromen sar kultùra thaj ćhib. Plus keren konfùzia phirutne gaŴenθar. Pe bibaxt but Rroma xale o xoxaipe akala gaŴenqo thaj ni phenen pen avri Rromenqe, phenen pen avri „phirutnenqe” – madikh so si śel berś so beśen an-e khera... Angla 3-4 berś sas bari jag e Sarkozisqi mamuj-el Rroma, but naśarelas len palpale an-e Rumania thaj uśarèlas pes and-e mèdie. Akana nakhlo, palem bićhalel len, ov thaj jekh Hortefeux, savo pherdǎrel pesqe statistìke naśarde Rromençar: kamlǒn pen 25.000 na śarde manuśa k-o berś, ov astarel e Rromen, del len jekh lil te semnosarem so kòrkorre mangle te Ŵan tar, del len 150 rupune k-o vast, naśarel len, ćhivel len an-e statistike a pal-o kurko aven palpale Ŵi kaj te oven palem an-e satistìke e naśardenqi. Akaja si katastròfa e ćhavorrenqe save phiren an-e śkòla. O butederimos le Rromenqo so aven an-e Frànca aven odolesqe so naj len ćaćutni skolarizàcia an-e Rumania thaj aven an-e Frànca, Italia thaj Espània, kaj si e ćhib nabut dur lenqe gaŴikane ćhibǎθar, thaj śaj te sikǒn sig. O dad e dej Ŵanen so si e śkòla vasni, korkorre phirde von an-e śkòla thaj ni kamen te meken le ćhavorren bi śkolaqo. So kerel o Hortefeux? Naśarel len... xatam vaś lenqo laćhimos. Aj o paradòkso si so keras laćhi butǐ an-o ministrimos e edukaciaqo thaj e kulturaqo de facto, madikh so si e uprutni ideològia de jure, sadaj daras te khoslǒl akava prdal-e rat Ŵikaj naj pinŴardo aj zorardo anda jekh tèksto thamǎqo.

Pal-o mesmèri, sas diskùsia pal-e Kosova.

Angluno vakerdas o Damjanović, savo phendas so ćaćes si turbulèncie an-e Srbia, ma palem si demokràcia thaj o raimos dias love te kiden pen le Rroma dothe. Le Rroma si purani nàcia an-e Kosòva, anda sa le fòrura thaj gava. Maśkar olenθe si but śkoluime manuśa. E maj bari rromani inteligència e purane Jugoslaviaqi sas p-e Kosòva. Ma kaj god si bibaxt, sam anglune amen anda laθe ma kana ròdas amare hakaja, khonik ni pinŴarel amen. But Rroma si naśavde an-e aver Thema. Akana Ŵal jekh vòrba maśkar le Evropaqe institùcie kaj te irinen pen 50-60.000 Rroma othe.

O Orhan Galjuš lias te mothovel pal-e Holàndia so si but barvalo Them ma e Rromenqe si but Ŵungalo. Kerel asimilàcia zorǎça. Avrial bićhalel love e Rromenqe an-e avera Thema a andre naśti te las 1 € pal amare butǎ, gova si o drom sar tasaven o rromanimos. Śel procent e Rromenθar sas mudarde an-o 2-to Marimos thaj sa e Rroma kaj si othe akana si„neve Rroma”, na pinŴarde sar Rroma. An-e 70-to berśa, but avile andar-e purani Jugoslàvia. Si len sociàlo statùto, 95% lenθar si bi butǎqo, sa sociàlo, naj len śkòla, diplòma, butǐ. Trin organizàcie bićhalde gaŴen an-o ministerimos te pućhel sosqe an-e Holàndia ni kerdǒl khànći e Rromenqe thaj o ministro phendas so e Holàndia naśti te thovel e Rromen sar prioritèta Ŵikaj e e Evròpa kòrkorri ni kamel ni voj.

Pal-e Kosòva, ćaćimasθe ni kerdilas but but ǐ. Sas śukar te kerel vareso o RTF, o OSCE, o Nicolae Gheorghe aktìvo sas Ŵivarekaj . Pućhlǒm les sosqe phagerde amen anda tikne kotora Srbiaθar, Albaniaθar... E institùcie khànći ni kerde. Nas niekh kontàkto ni e Veton Surojeça, ni e Ahtisaariça, nas amen dino than, nas amen politikani zor.

Nidhi Trehan:

Aćhile nabut vaxt, 2-3 kurke aćhile. Te Ŵanen so e India ni pinŴarel e Kosòva, te na ulavdǒn laqe ràśtre. Sa o sundal akana dikhel e Kosòva thaj si okàzia te śundǒl o krlo e Rromenqo. An-o UNO si bari konfùzia. An-o ćhon Mars/Trideraj, e EU si te bićhalel jekh monitoring team thaj e Rroma si tumen hakaj te bićhalen penqi komìsia. Anda sarkon komìsia te oven jekh a duj Rroma. Miri idèa si te ovel jekh terno Rrom jurìsti, śaj pinŴaren les, si o Saimir Mile, sar kotor an-e evroputni delegàcia.

O Marcel Courthiade mothovdas so kerde an-e Frànca vaś-e Kosovaqe naśutne an-o b. 2000. O ministro vaś-e andrutne butǎ sas athòska o Vaillant. Na kerdam but demonstràcie te iklovas k-e televìzia, ma trin masek sa meklam avera butǎ, e NeŴoça, Ŵikaj pherdam lesqi godǐ, zorale dokumentaciaça thaj diskusiaça, te del avtomatik azilesqe lila sa e Rromenqe save sikaven so biandile k-e Kosòva.

A n-o ustavni paket, sas pinŴarde 4 nàcie so somkeren e Kosòva: Rroma, Srbǎ, Albancǎ thaj Turkǎ. Pe bibaxt e Evròpa aj e Amerìka ni kamen te pinŴaren e Rromen thaj e Turkonen, keren polarizàcia albano-srbikani, sar kerde albano-makedonikani an-e Makedònia thaj sa e avera bisterdǒn an-e ćik. Te mangas te irinas amen k-o ustavnio paket, savo pinŴarel sas barabaripe maśkar le 4 nàcie.

O Stanisław Stankiewicz lias te phenel so maj feder te phenas so ovèla. E diskùsia nas efektìvo. So sas te keras, ni kerdam les. Musaj te keras godǎver analìza, pala so śaj ovel an-e Kosòva amare manuśençar. Dùjto, naj amen problème pal-e phuv.

Si akana jekh but jagalo momènto, kana kamen te tràden palpale e Rromen, phenen so si biumblavdo Them aj e Rromenqe„ŵan, si tumari phuv, tumaro Them”. Mangas te keras konsultàcia e Sloveniaqe raipnaça kaj te mothovas amari pozìcia, angil te na oven phagirde hakaja. E rromani problèma ćaćipnasθe si gaŴikani, so ni kamen te śunen amen. E gaŴe si sikle te dikhen so e Rroma nùmaj xan pe e lovenqe. Naj ćaćes, si nùmaj pretèksto te ignoril e Evròpa e rromani populàcia thaj si katastròfa amenqe, so anel palal katastròfa sa e Evropaqe.

Vasno te dikhas amari populàcia na fèri an-e Kosòva, no fededer sar jekh khetanipen buxlo aj amari diskùsia te Ŵal an-e lùmia.

E Nidhi Trehan

Śaj te dikhen p-o internet o kùjbo „Kosova thanks you” e agorutni rezolùcia sarkole Themesqi, savo pinŴardas e Kosòva thaj odothe mothoven an-o lil sosqe pinŴarde la; E Norvegiaqo lil si interesànto, kaj phenel so vasno si e minoritetenqo brakhipen. Śaj te keren lil akale manuśenqe so liparen minoritète thaj te den tumen vast .

O Normunds Rudevičs:

But manuśa pućhen savi kultùra si maśkar Rromenθe. Ni Ŵanen a amen Ŵanas but śukar kon sam. Ni bisterdǎm so phende amenqe amare dada. Si 30 berś so vazdiam amari organizàcia thaj but butǎ paruvdile trujal, ekonomičeski, texnologičeski, političeski... E Rroma dikhen, maribnìtko berś, na maribnìtko berś, palem Rroma Ŵan bagan, khelen, ćoren kaxnǒrǎ, ja śaj grajen te ćoren kaj te xan lenqe ćhavorre... Rroma si siklikerde te keren tikno biznèso an-e famìlia, si lenqe normàlo. Buxlǒl lesqo dikhipen forìtko, pa Themìtko aj vi kontinentìtko, o Rrom ròdel vavër kačestvo, trebi te źutinas amare civilizaciaqe.

O Dragan Jevremović:

Naisarav amare phrales andar-o Ùngro, e Janośes, vov si o Kozak Janoś, so kamel te ovel mujalo e Ungrosqo an-o IRU. Naj vov prezidènto ana pesqo Them, si o dùjto manuś pal-o Orban.

O Janoś Kozak:

E Devleça arakhav tumen. Kecani nemzetközi konferencia si nagyon fontos thaj si athe manuśa andar-o Unió. Ame nagyon kamas te keras butǐ tumençar thaj avav sar elsővo kepviselővo. Pontosan ći Ŵanav pala sosθe si kadi konferènca, thaj pala so vorbil. Te Ŵanen so an-o Ùngro kerdam jekh gàrda, kaj angla lenqe jakha e Rroma naj laćhe manuśa. Phenen so pusaven e manuśenqe jakha, phiren an-e gava thaj maren e Rromen. Amen so kamas? Khànći aver ći mangas, ćak amare manuśa te śkolazin.

Nagyon dumut sem an-e politika e orszagosqi, de katar-o b. 1992 thaj kerav politika, e Rromenqi butǐ, te źutinas fèri [magyarul, naśti hakǎrav] kecavi butǐ, ći Ŵanas te keras vendmeny (?) Trobuk an-o uniovo khetane a […] le gaŴie ći kamen amare butǎ te oldin, ći phenen amenqe so te keras. Kaver si e problèma an-e Rusia, kaver an-o Śvèdo, kaver khere an-o Ungro. Kathe ći kamen e Rromen. Te Ŵas tele k-i mesali lençar aj te phandas vòrba lençar.

Amen so kamas? Kamas te Ŵas te sik ǔvas an-o egyetèmo. Naj iskirime pe amaro ćekat so amen sam kecave manuśa so musaj te trais an-o sociàlo.

Kerdam jekh baro festivàlo an-o Papa, amari kultùra te das la prdal e gaŴenqe. Nagyon miśto sas, dias prdal o tevèvo (TV). Trobul maj but Thema te keren kecave butǎ.

Amen kaj sam katolikuś, mangas te akharas e Papas and-e Ròma. Andem jekh lil te mangas te bićhalas lesqe hivo, ke amare gaŴe ći kamen te śunen.

Amaro organizàcia si purani thaj kerel la ćhi butǐ : ćhinel kaśt thaj anel le phurenqe. Kerebn le terne ćhavorre, aj sikǔven e patǐv e phurenqe. Kamas kavera manuśa an-o Ùngro te na dikhen amen tele. Khetanes te xutilas. E rromani kris so durmut sas, opre trobukl te tordǎeas la palem, kana sam amen but manuśa thaj khetane keras butǐ.

Kade gindij so tumari butǐ źutil but vi pe Ungrosqe Rroma vi kavera Rroma.

O Stanisław Stankiewicz:

Tumare manuśa so tut bićhalde den amen jekh bari patǐv aj Ŵan pal-o rromanipe. Ćaćes si manuśa a Devlesθar. An-o Iru si procedùra so sarkon manuś so si les than andre, te ovel els zastùpco.

O Janoś Kozak:

Si man duj fùnkcie : jekh sar dùjto manuś maj baro an-o Ùngro, pal-o Orban, kana naśti o Orban te Ŵal, man bićhalel, Ŵanav patǐvales te ovav kepviselővo thaj duj, egzelèto (?) me sem lenqo prezidènto an-e megye.

O Stanisław Stankiewicz:

Tu alosares te zastupcos, tumen sar organizàcia trobul te den duje manuśen. But baxtale sam phral!a Janoś so dine tut e Ungrosqe Rroma tuqe mandàto te oves an-o IRU mujalo, delegàto pal-o Ùngro; vi von, vi tu den amen bari patǐv an-o IRU. Dikhas akana kon maśkar amenθe akceptuil tiri organizàcia : miśto 15 Ŵene [andar 36]

thaj akana tut sar delegàto : 10 Ŵene akceptuin tut. Das gàta akaja tèma. UŴaras te des te zastupcosqo anav.

O Ian Hancock, bezex so naśti avilas o Rrom, ma bićhaldas manqe jekh lil pala pesqi butǐ, thaj sar musaj so maj sig te agordas sa e procedùre kaj te na xasaras amaro than an-o UNO. Vov be śel dur katar-o New-York, phares lesqe te Ŵal kana si beśipe, thaj naj miśto te xasaras o statùto. Bićhaldam amen e formulàrǎ. Śundem so si akana vi jekh aver rromani organizàcia othe, e Rromani Kris andar-o Bukurèśti.

PAUZA

Tèma: o 7-to Kongrèso

Sas propozìcie sar India e Kroàcia, o Veli phenel so si len zeleno svijetlo thaj o Joja propozuil o Beograd ja, sar o Riśi, o Niš.

O Özcan (Turkia) phenel so o raipen an-e Turkia si gata te del bare love kaj te kerdǒl vareso baro pal-e Rroma, so mangen te sikaven penθar vareso laćho, akana so mangen te den an-e Evroputni Unia.

E Nidhi Trehan:

Te kerdǒl odothe kaj si amen maj zoralo kontàkto e mediençar, ma śkarthemutne mediençar; Akana savorre si an-e Srbia, dikhen so ovèla an-e Kosòva. Si man vi jekh mothoipe e Sloveniaqe ministrosqe: an-e dekàda si but laćhe projèkte p-o lil ma bipînŴarde si e rezultàtǎ. Kamlǒl pes jekh tikni grùpa te kerel monitoring pal-e dekàda.

O Stanisław Stankiewicz:

Kaj te alosaras o than, musaj te ovel maj anglal jekh politikano kritèri thaj vi lovikano. No vi e mèdie si laćho kritèri. O pućhimos an-e Turkia si vasno, kaj te dikhel pesqe Rromen sar Themìtka manuśa. Vi e Evròpa si vasno te dikhel sar o IRU reaguil.

Si te keras beśipe e kabinetosqo an-e Srbia, si amen othe logistika, infrastruktùra, love thaj kola. Pala duj ćhon, an-e İzmiresqi konferència si te dikhas e verver propozìcie.

O Dragan Jervremović phandel e seànca, phendindoj so naśti te mukhas o berś 2008 te nakhel bi kongresosqo.

DÙJTO DĚS:

Putrel e seànca o Dragan Jevremović:

Miśto phirdam anda duj gava thaj dikhlam sar Ŵiven e Prekmuriaqe Rroma. Bezex so naśti gelam an-o trito gav, kaj si muzeum rromano. Akana te dikhas duj prioritàro pućhimàta: o staùto e IRU/qo an-o UNO thaj e rekomandàcia amari.

E Nidhi Trehan:

Me śaj te źutiv pal-o UNO, si te beśav pak ǎv – 6 ćhon an-o New-York.

O Dragan Jevremović:

But Thema ni pinŴaren e Rromen sar nacionàlo minoritèta, sadaj sar sociàlo grùpa, problemençar…

O Stanisław Stankiewicz:

Si but organizàcie so mangen te aven an-o IRU; rande lil but organizàcie, 500, 600 a o IRU si putardi organizàcia. Palem naśti te las jekhe manuśes thaj te xolan ǒn avera organizàcie. Te

Aj palem phenav so mothovdas o Dragàno: sarkon Them te bićhalel so maj sig rapòrto pala so kerdǎs anda śtar nakhle berśa aj si te thovas sa an-o rapòrto k-o IRU.

Si an-e Evròpa but organizàcie so phandle pen e gaŴençar, e rançar, kerde pen gugle lenqe thaj o Them phenel:„si amen gasave manuśa laćhe so phiren pal-amenθe, keren so kamel amaro Them, na sar tumen kaj keren ćingar aj konflìkto”.

Amari fòrma si demokratikani thaj si amen duj śerutne resa:

a. mangas serioz te vàzdas o IRU thaj musaj te phenas so keras te dikhlǒl te śundǒl amari butǐ thaj te avas pal-amare manuśa so si an-o pharimos, kaj te oven an-o sundal;

b. kana avel bibaxt varekaj, so śaj te kerel o IRU? Śaj nùmaj te kerel krìtika. Naj amen Pershing, rakète, benzìna, nàfta, ekonomikani zor kaj te keras blokàda e vavërenqe. Normal si te keras krìtika, naśti mekas e politika te kerel sar kamel.

Musaj te siklakiras e gaŴen e bare rajen te dikhen e Rromen vavërćhande, sar themìtka manuśa anda lenqo Them. Na fèri te phandlǒn jekhe partiaça, naj kado politika ćaćutni rromani.

Musaj te dikhas maj dur, misalaqe an-e Dekàda: Ŵikaj naj seriòzo dikhipe, Ŵikaj e manuśa dikhen fèri personàlo interèso, o IRU xasarel e Dekàda, si te aćhol bi khancesqo p-o agor.

Sa si an-amare vasta, te na mekas te xasaras.

E Nidhi Trehan

Stahiro-Ŵi, sar phenas an-e India vaś-e patǐv, but vasno si so phenes akana: ćaćes si amari politikani stratègia an-amare vasta, te na peravas la, te na xasaras la. Akana si amen śànca, Ŵav me an-o b. 2009 an-o New-York trin masek, śaj śov, śaj odothe te kerav lobby (godǐpheripen). Mangav sadaj tiro gindipe an-e politikani stratègia.

Si man jekh propozìcia: te maladǒn terne e IRU/qe, thaj vu Ŵuvlǎ e IRU/qe khrigal thaj te anen an-e plenària e rezultàte pala penqo svàto.

O Koce Palison:

Mangos te lav e vòrba aj te mothovav pal-e Rromani Kris e IRU/qo. An-e januàra 99 o IRU kerda godǐ kaj te ovel jekh Rromano Parlamènto thaj jekh Rromani Kris. Sas mindig kris ma śkar le Rrom, fèri so nas registruime maśkar le gaŴe, le gaŴe ći pinŴaren amari kris. Naj but Thema kaj pinŴaren: so Ŵanav fèri an-e Rumânia a e kris si but purani. Sas vi an-e India, aj Ŵi aděs si othe. Sar phendem sas amen bari bibaxt so amare krisaqe Rroma mule. O Dragàno manglas manθar rapòrto thaj ćacimos si les, so kerdam so ći kerdam an-amari kris. O Ščuka kerdas o statùso, fèri ke paruvdas but an-o rromano zakòno, so iskirisardas. Sas les gaŴikani kultùra e krisaqi thaj kerdas sar gaŴikani kris. Amen kamas te ovel originàlo kris rromani. Si man o lil kaj kerdas vov thaj kon mangel, śaj vi lesqe te bićhalav kòpia.

Kana le but ǎ, le bàjura si bange, e rromani kris anel vortimos. Vi an-amare bàjura, musaj te ovel kontròla, te akharas rromani kris kaj te vortol le bange butǎ, te keras revìzia. Butivar e manuśa len love an-amaro anav, amen ći Ŵanas kaj Ŵana e love aj so keren lençar. Miśto kana e love keren laćhi butǐ aj zoraren amaro rromanipe, fèri univar vi nasulimos keren an-amaro anav. Sar te zuraras ćaćimasθe amaro rromanipe? Sosqo drom te arakhas?

Te ovas amen sar jekh Them kaj si amaro zakòno thaj amari patǐv sar grundlàgo.

O Rudolf phendas so e gaŴe dikhen amen sar 47-to Them an-e Evròpa, aj so si amen śaipe te śaj źutisaras la Unia. Ćaćimasθe le gaŴe lośaven zurales kana dikhen amen ćhingerde. Amaro rromanipe o purano fèri khetane śaj te trail maj dur, na kana jekh garadunes averesθar kerel pesqo biznèso an-o khetano anav le Rromenqo ja la Rromane Uniaqo. Naśti biris.

Te na avilas disciplina zurali, patǐv rromani ćaćutni, sa xasaras, xasaras sa amari tradìcia thaj amari kultùra. Ći kamen te Ŵanen le gaŴe. Butivar len terne ćhaven amaren an-e butǐ thaj kinen lenθar amaro rromanipe, aj ći Ŵanen miśto le terne, thaj gaŴe sa pakǎn so aba Ŵanen so si rromani kultùra. Naj dośale le terne, xoxavdǒn, thaj vi le gaŴe śaj keren vaś-o miśtimos, de amen musaj te dikǎras o ćaćo rromanipe an-e kris. Musaj te dikhas sosqo si o rezultàto, aj butivar phiraven xoxamni tradìcia rromani. Kerdǒl vareso so naj ni rromano ni gaŴikano. Kana si jekh phuro kopàći, śaj nikaves les e phuvǎθar aj te lingres les pe kaver phuv, naj te trail, naj te mekel patrnǎ aj zelenimos, ma kana si terno o kopàći, śaj te paruves lesqi phuv, thaj si les zor te ikalel patrnǎ, zelenimos aj te trail śel berś. Phenav vi me te paruvas vareso, ma te Ŵanas so śaj e kris te kerel, Ŵikaj biris te paruvas thaj so naśti te azbal. Fèri amen Ŵanas, le terne naśti Ŵanen.

O Damjanović:

Kana mangas te keras afirmàcia e Rromenqi, e stratègia te avel katar-e maj uće manuśa: o prezidènto thaj lesqo kabinèto. E manuśa te dobin tumare direktìve sar te kerdǒl afirmàcia aj te keras khetani stratègia. ŵi avdives ni dobisardam khànći. A kana bićhalen, śaj athòska te pućhen:„Śukar, amen bićhaldam tumenqe amare stratègie, so si tumaro rezultàto?” Bićhaldan amenqe, dragone prezidento, tumare idèe, ake so kerdam amen. Te dikhǒl kon si aktìvo thaj kon beśel, kon sovel. UŴarav tumenθar te odredis, te ustanovis e butǐ so si te kerdǒl.

O Stanisław Stankiewicz:

Miśto, si amen press conference k-o jekh thaj aba sàmas an-o źurnàli, an-o TV thaj kola. Si te keras e lila so phedam, te Ŵal an-e Sloveniaqo raipen, an-e Bruksèla, an-o Parlamènto e Evropaqo, an-o UNO, OSCZ, an-e mèdie. Akala trin lila si: 1. Amaro gìndo e Parlamentosqo si te ovel ćaćutni nevi politika pal-e Rroma. 2. Si te ovel vi lil karing-o Microsoft, o IRU sar organizàcia si responsabilo te den amen bi lovenqo progràma. 3. Te ovela n-o Parizo jekh Instytuto Evropaqo vaś-e Kultùra thaj ŵantrimàta. Si amen śànca te putardǒl akana.

Palikerav Tumen savorren, baro vasnipe si and-akala dokumùèntǎ, kerel len e grùpa so phendǎm: o Normunds, o Marceli, o Orhan, e Nidhi, o Jožek thaj o Jòja. Amaro drom sas pharo, phandas akana e diskùsia, but manuśa kamen te Ŵan, si len baro drom angla penθe. Si press conference thaj si vio o xaben tele. Aver mol te dikhas amen kompleto an-amaro sastav, te del o Del!

Phanden o beśipen e Parlamentosqo o Stanisław Stankiewicz thaj o Dragan Jevremović.

Normunds Rudevicvs, Jožek Horvat-Muc, Stanislaw Stankiewicz, Dragan Jevremovic´, Orhan Galjuš, Marcel Courthiade