Fordítás: Nagy Gusztáv
Grafika: Balogh Tibor
 
 
Delphiripe
Istenjárás
 
O Rajdel amen zurales kamel,
Amenge sako dyes dichol.
Pharoj, bares pharoj lesko punro
Unyivar  ungriko ilo shindyol.
 
Delphiripe si, na cipisaras.
Varekon brigaki gilyi phurdel.
Zhanav  koni – Voj si,gilya phenel
Ande amende  o baro Rajdel.
 
Lesko glaso bungal sar klopoto,
Korej leske jakha, sa nacharen.
-Rajadevla,  kam,de zhatar kathar,
Strenos chi zhukrel mulano xaben.
 
O Rajdel amen zurales kamel,
Amenge voj sako dyes sikadyol.
Pharoj,bares pharoj lesko punro
Unyivar shindyol ungriko jilo.
 
 
 
 
 
Ratyako zholtari
Csöndes esti zsoltár 
 
O, Raja, chi zhanav  poez  te kerav pe tyi luvudyija.
Slabone mosa phenav muro zholtari.
Dapol tena kames na ashun muro alav.
 
Zhanav,hoj zelenyol e char,de chi hatyarav
Soste,haj kaske zelenyol.
Zhanav,ke kamavtu,de chi zhanav,ke
Kasko muj phabarla muro muj.
Ashunav ke phurdel e balval,de chi zhanav,
Soste phurdel kana briga sima.
De na  ashun tena fajtut muro alav.
 
Ferik slabones, bi zhanipe fajasma te
Phenav tuke,hoj vi me som haj kathe  som haj
miritu, de chi hatyaravtu.
Ke tuke chi trubuj amari bari mirja
Haj o zholtaripe.
Shajke azban tye kana  le biagorune rudyimata.
Ke chi kaver chi zhanas,feri te rudyisaras, te
Mukasame,haj te mangas.
 
Ferik  tyo sluga som,kas kothe shaj des ive
Vi le bengeske.
Biagorunoj tyiro them haj tyiri zor,ke
San tu sakana.
O, Raja, prajsosar man manca.
De tena kames,na ashun muri vor.
 
 
 
 
 
Rudyipe le khinenge
Imádság  megfáradtaknak
 
Te keras  sam, na te lasharas.
Chi amare shavora naj.
Anda kodo, amen te patyivin
Haj ame, Dade, tye shavora sam.
Patyas andej zoraki ashtyin.
Zhanas,ke fajtut amendar,
Vi te beshes ando cheri, vaj ando thud,
Ando assape,ando lon,vaj ande amende.
Vi tu zhanes, ame te rovas,
Amare mos asvin te grozol,
Atunchi ande amaro ilo paja shindyon,
De maj zurale sam kathar amaro slabo trajo,
Ke e char chikana chi phadyol avri,
Feri le xanre,le khangera haj le nasul vorbi,
Akanak, inke, khines tye lasharipesa
Rodas nevi zor.
Haj vi angla  amende chang bandyaras, phendines:
Slobodisar amen kathar o dushmano:
Kamav
 
 
 
Bi patyape
Reménytelenül
 
O manush po agor ando
Chikaslo kishaj  ushtyavel
Godyar shero krujal dikhel
Bandyarel haj naj so patyal.
 
Vi me sa kade zumavav
Bi xoxaipe te dikhav
Rupunalo tovershinipe
Khelel pel kashteske patra.
 
Muro jilo pej e khanchi
kranzha beshel,lesko trupo
Bi vorba izdral haj krujal
Dikhen , dikhen le cherhaja.
Po sastri mezimo  cheri…
 
Po sastri mezimo cheri
Boldyol shudro dinamovo
Oh, bi chingara cherhaja!
Jag del e vorba ando muj-
 
 
Andema o dulmut perel,
Sar o bar ando ajero.
Sholpe e muto,vuneto
Vrama.Parnyile mure bal.-
 
Muri mustaca sa shordyol
Vi katka vi kutka parnyol
Dukhal mro jilo, e vorba
Avri shudrol.Kaske pheno.--
 
 
 
 
Cipisaras kaj o Del
Kiáltunk Istenhez
 
Devla!
Cipisaras tute:
Av amari hatyardi,tati morchi,
Ke  kushline amen,
Kathar e dukh khanchi chi dikhas
Thaj iva,iva pipisaras,
Chi hatyaras le butya,
Feri kodo,ke zurales dukhan.
 
So  mol,te zhanas,ta chi dikhas,
Ke anda amende shindyon avri primovarako le patra,
Hoj kathar o khinipe maj capenoj amaro vast
Haj ke amari godyi maj baro bungal sar sako dinamito
Amara vorbako sumboro purlipe
Haj sar kerko thuv phiraveles e balval,
Ke chi sharavelpes khonyik ande leste.
Anda sakoneste avri pittyal amaro duxho,
Sar andaj xivardi astachi o thud.
Amare kamipesa  apol thudeske shorkerasles,
Hoj barem le shaven te avel,
Ke akanak tele shaj kecis le cherhajan patute,
Kathe le krejcarengo axtom maj butaig fimlal,
Thaj chi patyiviltu khonyik kaj peski mesaja,
Le plajenge rokovinake vuni  chambas,
Haj po cheri chi kham – somnakuno galbi fimlal,
Pej mal chi zhuklyano thud chi patyol.
O, av,amari hatyardi, tati morchi,
Hoj e dukh tele te perel pa amende,
Sar pa le papinyange por o paji,
Hoj aba te shaj ramosaras
Barruno sobro haj e kashtuno skamin-
Chi kamas,hoj pe tehara te ashol
Thaj pej paja mizmerdyon le nurura,
Palakado aba le shalyina butardyon,
Amari butyi chi kerdes ,trubul khere te zhas,
Tele te dasame tela tye phandade jakha.
 
 
 
 
Bethlehemeske Kraja
Betlehemi királyok
 
Te del o Del Jezushi, Jezushi
Le trin kraja kathe si.
Cherhaj sikadyilas opral
phuvatar avilam choral
Cini bakri phendas – misto
Kathe beshel Jezush kristo.
Menyhart kraj me bushuvav
Zhutin Devla te zhuvav!
 
Devlesko shav,lasho dyes,lasho dyes!
Na sam rashaj puranes.
Ashundam rakhadyilan
le chorrenge kraj kerdyilan.
Andre dikhlam cerra tute.
Luvudyija andam tuke!
Gashpar bushav kasavo
Kas pej phuv si krajimo.
 
Te Del o Del muntoro,muntoro!
Reslam pa tato themoro.
Amaro xaben nachilas
Vi amari kher shindyilas
Andam  somnak burnyikasa,
Temija bara pirasa.
Me sim boldizhar,kodo
Kon kraj si le kalengo.
 
Lolyol-kalyol e Marja e Marja
Sar baxtale dejora.
Sar peske asva peravel
E Jezushes daba dikhel.
Le chobanura gilyaben
Vi chuchi trubujas  te del.
Trin skumpune phralora
Doroj lashe ratyora
 
 
 
 
Uzhe Jilesa
Tiszta szivvel
 
Naj man chi dad haj chi Dej
Najma chi Del haj chi them
Chi sheran chi sharadyi
Chi  chumid chi kamadyi.
 
Trito dyes ke chi xalom
Chi cera haj chi chalo.
Mure bish bersh barimoj
Mure bish bersj bikindoj.
 
Tena trubuj khanyikas,
O Del pelest shol o vast
Uzhe Jilesa  phagav,
Te trubuj vi mudarav.
 
Len thaj opre kecinma
Andej phuv gropona man
Char barol merimaski
Mure shukar jileski.